Björgólfur Guðmundsson

Með hálsinn á höggstokknum spyr ég hvort ekki sé vert að þakka Björgólfi Guðmundssyni fyrir að koma þessu frábæra húsi í ferli?

Thorsara sagan endurtekur sig eins og gormur.

Hrifning á opnunartónleikunum

Varðmenn Íslands

 Varðmenn Íslands standa sig vel á vaktinni.

Nú þarf að koma böndum á frjálshyggjukapítalismann.

Ísland er vel sett milli tveggja efnahagsrisa og hefur góðan málstað.

Yfir 58% hafna Icesave-lögum

JÁ Ísland - utan Evrópubandalags

 

Við segjum JÁ við sjálfstæðu Íslandi - utan efnahagsbandalaga. Íslandi sem nýtir sér aðstöðu sína til að gera tvíhliða samninga við Evrópusambandið og NAFTA og aðra.

Við segjum nei við Icesave. Verði Hollandi og Englandi að góðu að draga regluveldi Evrópusambandsins fyrir dóm, en það er að endingu einmitt það sem réttarhöld um Icesave munu snúast um. Það er afar ólíklegt að einhver sjái sér hag í slíkri afhjúpun. Þetta eru þrátt fyrir allt bara smáaurar fyrir Evrópu þó þetta sé mikið fyrir lítið hagkerfi eins og Ísland.

Lifi fjalldrapinn!

Íslenskir dómstólar hafa lokaorð

Salvör Nordal

Að öllum öðrum ólöstuðum þá mun ég allavega merkja við nafnið "Salvör Nordal" í þessum kosningum.

Nafnalisti frambjóðenda birtur

Að taka þjóðarpúlsinn rétt

Þróun mótmælaumrótsins í samfélaginu síðustu daga bendir til þess að það séu nýir hópar sem nú eru mest áberandi á Austurvelli. En því miður eru engar mælingar til á því hvernig sorgarferlið (þ.e. áfallið, reiðin, lömunin og að lokum vonandi sáttin) leggst á ólíka þjóðfélagshópa á ólíkum tímum frá Hruni og hvaða fólk það er sem er að ganga í gegnum mismunandi stig í þessu ferli á mismunandi tímum. Það er því erfitt að bregðast við og spá fyrir um þróun mála. Þó auðvita væri slíkt mögulegt ef þjóðarpúlsinn væri tekinn á vísindalegan hátt með jöfnu millibili.

Þjóðarsálin margumtalaða er nefnilega mikil einföldun. Það sem skiptir máli í mati á ástandi þjóðarinnar er hvaða hópar það eru á hverjum tíma sem ganga í gegnum ólíka hluti og hlutfalla fólks sem er að ganga gegnum ákveðna hluti á ákveðnum tímum.

Sú tilhneiging að nota fyrsta hópinn sem var mest áberandi á Austurvelli í vetur sem einhverskonar mælingu á því hvar "þjóðarsálin" er stödd í sorgarferlinu, er einföldun byggð á misskilningi.

Verða 73 þúsund heimili eignalaus?

REYKLAUS RAMADAN 2010

Hugsar þú um heilsuna?

Þegar þú reykir dregurðu þúsundir eiturefna niður í lungun. Efni sem draga úr súrefnisflutningi blóðsins, valda æðasjúkdómum og krabbameini.

Hvað gerist þegar þú hættir að reykja?

* Eftir 20 mínútur: Lækkar blóðþrýstingur og púls

* Eftir 8 tíma : Súrefnisflutningur blóðsins lagast

* Eftir 24 tíma : Hætta á hjartaáföllum minkar verulega

* Eftir 48 tíma : Lyktar og bragðskyn taka nú við sér

* Eftir 2 - 12 vikur: Blóðrásin lagast og lungun anda léttar

* Eftir 1 ár: Reiknaðu út hvað þú hefur sparað á einu ári

* Efir 5 ár: Hættan á reykingatengdum lungnakrabba hefur minkað um helming.

 

 Ókeypis ráðgjöf í reykbindindi: Ef þú vilt hætta eftir Ramadan geturðu hringt í þetta númer og fengið ókeypis faglegan stuðning.

 

Nánari upplýsingar um verkefnið ”Reyklaus Ramadan 2010” Veitir Ásgeir R. Helgason: [e-mail]

 

 وَلا تُلْقُوا بِأَيْدِيكُمْ إِلَى التَّهْلُكَةِ وَأَحْسِنُوا إِنَّ اللَّهَ يُحِبُّ الْمُحْسِنِينَ

[2:195]

Margrét Hermanns Auðardóttir fær uppreisn æru?

 

 

Ég sá þá athyglisverðu frétt í Kastljósinu áðan að Páll Theódórsson eðlisfræðingur væri á góðri leið með að afsanna þá kenningu að Margrét Auðar Hermannsdóttir hafi haft ragt fyrir sér í doktorsritgerðinni sinni árið 1989. En Margrét hélt því fram að Ísland hafi að öllum líkindum verið í byggð þegar uppúr 600 og ég tók við hana viðtal í Þjóðlífi um þetta mál löngu fyrir aldamótin. Niðurstöður Margrétar voru m.a. byggðar á fornleyfagreftri í Herjólfsdal í Vestmannaeyjum. Margrét var bauluð niður af íslenskum fornleyfafræðingum og sagnfræðingum.  Ætli hún eigi eftir að lifa það að vera sá sem hlær best?

 

Muni gerði matinn

Muni sonur minn var einn af 15 kokkum sem gerðu matinn í veislunni og vinir mínir þau Valur Pálsson kontrabassaleikari og eiginkona hans Laura Stephenson hörpuleikari (og tengdadóttir Íslands) spiluðu í kirkjunni. Muni minn býr þessa dagana heima hjá Val og Lauru svo segja má að það heimili hafi verið vel representrað í brúðkaupinu. Sjálfur var ég uppí sveit í sænsku Dalarna og reyndi að láta þetta framhjá mér fara.

En ég verð að viðurkenna að mér fannst það gaman að hafa Muna í eldhúsinu og Val og Lauru í tónlistaliðinu og var stoltur af þeim, þó ég hafi reynt mitt ýtrasta til að láta mig þetta litlu varða. Ólafur Ragnar var líka flottur!

Lifi fjalldrapinn og allir hans ættmenn!

Konunglegt brúðkaup

Hvar er hjartað Jón?

Kæri Jón,

Þú kemur eins og þrumuveður og sólarglæta inní rústir íslenska hagkerfisins þar sem stjórnmálamenn jafnt til hægri sem vinstri höfðu gefið eftir völd sín í hendurna á stjórnlausu kapítali. Þar sem raunveruleg völd voru í höndum stjórnenda stórfyrirtækja.

Hagkerfi sem var beinlínis hættulegt lýðræðinu. Kerfi þar sem stjórnendum stórfyrirtækja voru gefin veiðileyfi á fé almennings og allt hulið leyndarblæju í nafni "einkaeignar".

Einkaeignar í "boði almennings".

 Hvað  ætlar þú að gera í því Jón?     

 

-------------- 

 

Allt var hér á Fróni falt,

fúnar stoðir risu hratt.

Heilinn dauður hjartað kalt,  

Hrunadansinn stiginn glatt.   

 

Er von þó fúnir drumbar darri

er dúndrar fret úr gömlu Narri?

Ég fagna, enda fer því fjarri

að fýla komi úr Jóni Gnarri.

- 

Ég vonast til að vinurinn,

vinni fyrir kaupi.

Hemji aðeins húmorinn

og hætti öllu raupi.    

 

--------------------------------------------------

Hvar er hjartað þitt Jón minn?

Það var kannski ekki alltaf á réttum stað á meðan Hrunadansinn stóð sem hæðst? 

 En hvar er það núna Jón?

Þú axlar mikla ábirgð.   

Ég vona að hjartað sé á réttum stað?

Sigur Besta flokksins vekur athygli

Saugstofan og RisaStórRiddarakross hinnar Íslensku Fálkaorðu

Túlkun Spaugstofunnar á Forseta Íslands, Davíð og öðrum minni pótentátum í gær var þvílík snilld að þeir eiga skilið æðsta heiðursmerki Íslenska Ríkisins.

Ef það hefur einhvertíma verið ástæða til að veita einhverjum heiðursmerki á Íslandi þá á Spaugstofan það skilið.

Og það fyrir löngu.

Þvílík snilli!

Forsetinn á gossvæðinu

Viltu hætta að nota tóbak?

* Reyksíminn- 800 6030.

Viltu hætta að reykja eða nota annað tóbak?

Hringdu þá gjarnan í Reyksímann strax í dag og skráðu þig hjá þeim.

Þú getur hringt eins oft og þú vilt og beðið um að hringt verði í þig.

Færustu sérfræðingar landsins í tóbaksbindindi svara í símann.

Það kostar ekki neitt.

Birgðu sig upp af tóbaki og hækkuðu verð

Píslavottar reiðinnar

Það má velta því fyrir sér hvort það séu afglöp að draga fólk fyrir dómstóla og hóta því fangelsi fyrir það að sýna róttækt frumkvæði á pöllum Alþingis og skvetta málningu á monthallir auðmanna, áður en þjóðin hefur fengið réttlætiskennd sinni fullnægt. Það særir líklega siðgæðisvitund margra að á meðan nokkrir helstu gerendurnir í íslenska efnahagsviðundrinu eru ennþá skráðir fyrir eignum, sé verið að lögsækja fólk fyrir slíkar aðgerðir. Tímasetningin og forgangsröðin er einfaldlega ekki í takt við Þjóðarsálina. Ef ráðamenn þjóðarinnar vilja draga úr líkunum á nýju upplausnarástandi í kjölfar birtingar skýrslu rannsóknanefndar Alþingis eru þessar málssóknir á hendur fulltrúa reiðinnar ekki gáfulegt útspil. Þetta er klassísk uppskrift að því hvernig skapa á píslarvotta.

Ætla að vekja ráðherra

Viltu hætta að reykja?

Útvegaðu þér staðgengla fyrir sígarettuna. Sá sem reykir einn pakka á dag ber höndina u.þ.b. 1000 sinnum á viku upp að munninum. Þetta er orðinn sterkur vani sem skilur oft eftir sig tómleikakennd sem heilinn túlkar sem tóbakslöngun. Hér á eftir fylgir listi yfir ýmislegt sem gott er að hafa í huga þegar þú hættir að reykja. Láttu annars hugmyndaflugið ráða og leitaðu leiða sem passar þér best:

 

* Sankaðu að þér lesefni um skaðsemi reykinga og haltu áfram að leita að nýju efni.

 

* Í apótekum og víðar fæst mentól munnúðií litlum aflöngum brúsum sem gott er að fitla við og spreyja annað slagið uppí sig til að fá ferskt bragð.

 

* Mentól nefstifti geta líka hjálpað á svipaðan hátt.

 

* Í ýmsum heilsubúðum er hægt að kaupa lakkrísrót sem mörgum finnst gott að naga eftir að þeir hætta að reykja. Sagaðu hana gjarnan niður í bita á stærð við sígarettur og hafðu bitana í öskju þar sem þú varst vön/vanur að hafa tóbakið áður.

 

* Drekktu mikið af vatni og hreinum ávaxta- og grænmetissafa.

 

* Hvernig væri að safna stubbunum og ösku í sultukrukku? Helltu gjarna smá vatni yfir og settu lokið á. Opnaðu ef þú færð löngunarkveisur og lyktaðu uppúr krukkunni.

  

* Hafðu gjarnan tannbursta og tannkrem við höndina og burstaðu tennurnar nokkrum sinnum á dag.

 

* Reyksíminn- 800 6030. Hringdu gjarnan í Reyksímann strax í dag og skráðu þig hjá þeim.

Þú getur hringt eins oft og þú vilt og beðið um að hringt verði í þig.

Það kostar ekki neitt.

Til hamingju Geir

Gaman að heyra þessa frétt á þessum síðustu og verstu tímum.

Geir á þetta svo sannarlega skilið!

Nýárskveðja frá snjóþungum og köldum Uppsölum!

Geir Gunnlaugsson skipaður landlæknir

Ísland í fararbroddi - sálfræðileg rök

Þegar ég setti fyrst fram þessa hugmynd um að gera tóbak ósýnilegt í verslunum árið 1988 voru rökin fyrir henni sálfræðilegs eðlis. Þetta vill oft gleymast í umræðunni sem gerir að tóbaksframleiðendur komast upp með að sniðganga þessi rök í málaferlum. Upphaflega röksemdin byggði á einföldustu tegund af atferlissálfræði sem kallast klassísk skilyrðing. Það er að segja, að börn sem alast upp við það að tóbak sé í hillunum við hliðina á sælgæti, tengja ósjálfrátt tóbak við "nammi handa fullorðnum". Þannig verður tóbaksneysla eðlilegt fullorðinsatferli í huga barnsins. Það verður því næsta sjálfgefið fyrir unglinginn að staðfesta sjálfstæði sitt með því að byrja að reykja. Önnur mikilvæg rök sem komu fram snemma í ferlinu var að það myndi hjálpa þeim sem væru að glíma við að hætta, ef tóbak væri ekki sýnilegt. En það voru samt fyrri rökin sem vógu þyngst.

Ísland varð fyrst til að koma á lögum sem banna það að tóbak sé sýnilegt í verslunum. Nú eru mörg lönd að undirbúa slíka framkvæmd m.a. Írar. Þetta er bara eitt dæmi af mörgum um það hvað okkar litla land getur haft stór áhrif á jákvæðan hátt í heiminum ef við höfum þor til að fara okkar eigin leiðir eftir skinsamlega íhugun.

Tóbaksfyrirtæki stefnir Írum

Í fremstu röð

Íslendingar eru nú í fremstu röð í reykbindindismálum! Þó sænskir karlar reyki aðeins minna ber að taka með í reikninginn að stór hluti þeirra fer úr sígarettum yfir í munntóbak. Dagleg tóbaksneysla er því talsvert algengari meðal sænskra kalla en íslenskra. Það er full ástæða til að óska íslenskum körlum til hamingju með þennan sigur yfir tóbaksfíkninni!

 

Karlmenn draga úr reykingum

Sló í þakið

Hvaða fyrirsögn er þetta?: "Peningar eru ekki allt"

Engin á að hafa rétt til þess að skammta sér (eða "fá") meira í laun á mánuði en sem nemur fimm földum lágmarkslaunum.

Það hélt ég að allir vissu, enda sjálfsagt baráttumál Vinstri Grænna.

Eða ætti að vera það!

Það er algerlega ljóst á Már sló í þakið.

Peningar eru ekki allt

Bitist um hlutverk Al Capone

Unnið er að Íslenskri uppfærslu á The Untouchables.

Eva Joly verður í hlutverki Eliot Ness.

Ólafur Þór Hauksson í hlutverki Jim Malone.

Verið er að leita að leikara í hlutverk Oscar Wallace.

 

Fjöldi leikara hefur sótt um hlutverk Al Capone.

Rannsókn í samvinnu við SFO

Flóknara er það mál nú ekki

Réttur feðra hefur oft verið ansi slakur í Íslenska réttarkerfinu þegar forræðismál eru annars vegar. Börn hafa ekki síður þörf fyrir að vera hjá pabba sínum.  Sjálfur var ég svo heppinn að skilja í Svíþjóð en þar á bæ er gengið útfrá því sem sjálfsögðum hlut að foreldrar hafi sameiginlegt forræði og að eðlilegt sé að börnin séu jafn mikið hjá báðum foreldrum ef þess er kostur. Að þau hafi rétt á fullu aðgengi að báðum foreldrum.

Hjá okkur var þetta vika og vika og síðan tvær vikur og tvær vikur. Þetta virkaði vel þó að oft væri langt á milli foreldranna en strákarnir gengu í sama skóla allan tímann og það þýddi auðvita að foreldrarnir urðu að aðlaga sitt líf að því að sækja og skutla hingað og þangað þar til þeir urðu nógu gamlir til að geta farið sjálfir í lest og strætó. Mikil vinna en virkilega vel þess virði. Þær vikur sem þeir voru hjá mér var starfið látið víkja og eftirvinna kom auðvita ekki til greina. Hina vikuna, þegar þeir voru hjá mömmu sinn gat ég hinsvegar unnið myrkrana á milli.

Þó ég sé hlynntur því að foreldrar taki jafna ábirgð á uppeldinu og börnin eigi að hafa jafnan aðgang að báðum foreldrum verður alltaf að vega og meta hvert mál fyrir sig. Miðað við þá umfjöllun sem verið hefur um þetta mál er alls ekki ljóst að það sé börnunum fyrir bestu, úr því sem komið er, að þvinga mömmuna til að flytja til USA, eða láta börnin frá sér. Það sér auðvita hver maður að slíkt væri skaðlegt fyrir börnin.

Ef þvinga á konuna með dómi til að fara utan og ganga í gegnum forræðismál í USA hlýtur Íslenska ríkið að styrkja konuna til að standa straum af þeim kostnaði sem af því hlýst.

Dögg Pálsdóttir lögmaður pabbans  fjallar um málið á bloggsíðu sinni.  Gott hjá henni. Hinsvegar finnst mér loka orðin í umfjölluninni óviðeigandi. En þau eru "Flóknara er þetta mál ekki".

Tilfinningamál eru alltaf flókin og það er sjaldan hægt að nota meira eða minna ófullkomna löggjöf og/eða alþjóðasamninga til að skera úr um það hvað sé rétt eða rangt í málum sem þessum. Þetta er því miður kvilli eða atvinnuskaði sem hrjáir marga lögfræðinga.

Flóknara er það mál nú ekki!

----------------------------------------------------------

Dögg Pálsdóttir sendi mér eftirfarandi athugasemd við ofangreinda grein í e-mail og birti ég hana hér með:

Sæll Ásgeir.

Sá að þú bloggaðir um bloggfærslu mína vegna brottnámsmálsins - en sagðir þá skoðun að þér finndist lokaorðin óviðeigandi.

Eftir á að hyggja kann að vera að þetta hljómi kaldranalega - en það sem ég meinti var að lögfræðilega væri þetta mál ekki flóknara, enda var ég í bloggfærslunni að fjalla um málið lögfræðilega.

Ég var ekki með þessum orðum að gera því skóna að tilfinningarnar í þessu máli væru ekki flóknar og erfiðar.  Ég hygg að fáir viti það betur en við lögmenn sem erum mikið að vinna í þessum málum.

Þar sem ég gat ekki komið athugasemd á framfæri við blogg færslu þína til að útskýra þetta - leyfi ég mér að senda þér þessar línur um leið og ég þakka þér fyrir vinsamleg orð í garð bloggfærslunnar að öðru leyti. Einnig þakka ég þér umfjöllun þína um hvernig hlutirnir eru úti í Svíþjóð.

Mér finnst hér á landi að foreldrar séu alltof foreldramiðaðir þegar kemur að börnum. það má engu sleppa, engu fórna, foreldrar setja sjálf sig almennt í forgrunn og blessuð börnin líða fyrir það. Hef oft talað fyrir því að hér þurfi meiri umfjöllun um það að gera foreldrum grein fyrir því að því fylgi ábyrgð að eiga börn og þegar sú staða er komin upp þurfi foreldrar að setja sjálf sig í annað sæti, sbr. þína ábendingu um að yfirvinnan sat á hakanum vikuna sem börnin voru hjá þér.

Gæti talað mig heita um þetta - en sleppi því að þreyta þig með því :-)

Dögg Pálsdóttir

Íslenskri fjölskyldu vísað úr landi

Rosa Parks braut líka lög

Það eru hetjur í öllum stéttum.

Stundum er lögbrot það eina rétta í stöðunni.

Rosa Parks braut lög þegar hún settist í sæti í strætó. Sæti sem ætlað var hvítum, í Montgomery, Alabama, USA.

Lög og siðgæðisvitund almennings verða að fara saman.

Annað er samfélagslega óþolandi.

 

Kaupþingsleki hjá lögreglunni