SÁLFRÆÐINGUR ENGIN TRYGGING pistill 3

STIG 2 þerapisti: Viðkomandi hefur tekið stig 1 og unnið undir handleiðslu 1-2 ár. Að auki hefur stig 2 þerapisti tveggja ára framhaldsnám til viðbótar stig 1 náminu, þar sem handleiðsla er stór þáttur auk áframhaldandi bóklegs náms og þjálfun í árangursmati meðferðar. Handleiðslunám: Eftir stig 2 er boðið uppá 1 árs nám í handleiðslutækni sem krafist er að fólk hafi til að teljast gilt sen handleiðarar í stig 1 og stig 2 námi.

Athugasemdir

[Pétur Tyrfingsson, 11.4.2007 kl. 23:11]

Sæll. Sé þú hefur verið að vinna með Sveinbirni vini mínum... var það það ekki pælingar í kringum "solbeteendi"

Það hefur býsna mikið breyst hér á Íslandi í þessum málum frá því þú hefur síðast frétt. Á örfáum árum hefur göngudeild geðdeildar Landsspítalans gerbreyst frá því að vera einn geðlæknir, hjúkrunarfræðingur og sími fyrir í kringum árið 2000 yfir í að verða deild þar sem fólk getur gengið inn af götunni og fær viðtal við fagfólk að öllu jöfnu innan hálfrar til heillar klukkustundar. Í framhaldi af því er boðið uppá margvísleg úrræði eins og almennt stutt námskeið (5 tveggja tíma sessjónir) sem byggt er á grunni hugrænnar atferlismeðferðar, sérhæfð hugræn hópmeðferð vegna þunglyndis (12 eins og hálfs klst. sessjónir), sérhæfð hugræn atferlismeðferð í hóp vegna félagsfælni (breytilegur fjöldi sessjóna; í þróun; fleiri en 10 held ég núna) auk þess sem hægt er að fá hugræna atferlismeðferð maður á mann við fókuseruðum problemum eins og þunglyndi, þráhyggju-áráttu, skelfingarkvíða etc etc. Hin opinbera stefna er hugræn atferlismeðferð þó annað sé í boði aðallega hjá öðrum starfsstéttum en sálfræðingunum. Ólíkt því sem var fyrir fáeinum árum eru sálfræðingar ábyrgir fyrir meðferð í praksis jafnt á við geðlæknanna (þó menn brjóti nú ekki sjúkrahúslögin). Útí bæ eru starfandi sálfræðingar sem hafa farið í gegnum skipulagt nám í hugrænni atferlismeðferð (ég held þeir séu um 50) sem tekur tvö ár. Þetta nám var nú endurskipulagt og er komið inn í endurmenntun háskólans og rekið í nánu samstarfi við Oxford Cognitive Therapy Center sem þú kannast sjálfsagt við. Við erum að klára fyrri veturinn núna.

Við þetta bætist svo að framhaldsnámið við HÍ er að skila sér vonum framar þrátt fyrir takmarkaða resúrsa og lágmarkslengd. Mikill áhugi er að komast í starfsþjálfun á geðsviði Landspítalans og útskrifaðir nemar allt frá 2001 hafa staðið sig öllu jöfnu fádæma vel svo orð er haft á.

Einnig hefur verið verkefni í gangi í samvinnu okkar á geðsviðinu, ráðuneytis og heilsugæslunnar að flytja út þetta stutta CBT grunnnámskeið útí heilsugæsluna. Hér er um að ræða fræðslunámskeið sem er stutt, aðgengilegt og óágengt ætlað fyrir þá sem eiga við þunglyndi og kvíða að stríða. Þetta eru fimm setur einu sinni í viku 2 klst. í senn. Upphaflega búið til vegna eftirspurnar á geðdeildinni sem ekki var hægt að anna í von um að sumum mundi nægja þetta, aðrir gætu haldið áfram innan og utan sviðsins með góðan grunn til að standa á (sem kostaði þá lítið fé) bla bla. Nú hefur verið boðið uppá þetta á þremur heilsugæslum hér í bænum, á Íslafirði og Egilsstöðum. Svo hafa verið samanburðarheilsugæslustöðvar. Og meiningin er að skoða hvort þetta breytir einhverju fyrir fólk.

Þannig er nú málið. Romsa þessu út úr mér svona bara að gamni.

Ábending til þeirra sem velta fyrir sér hvar hægt er að fá hugræna atferlismeðferð: Það er ekkert annað en t.d. að leita til geðsviðsins og biðja einfaldlega um hana eða hringja í gulu síðurnar og spyrja hvort viðkomandi sálfræðingur bjóði eða kunni eitthvað í þessari meðferð og þá í sambandi við það vandamál sem um ræðir. Fólk á bara að vera ófeimið við að biðja um það sem það vill, ekki bara panta tíma hjá næsta sálfræðingi og láta eins og allir séu þúsundþjalasmiðir (þeir eru nefnilega ekki til). Sálfræðingur sem gefur tíma og spyr ekki hver vandinn sé áður en borgað er fyrir viðtal hefur annað hvort gleymt því eða brotið reglu sem ég set mér (veit ekki hvort aðrir ættu að gera það) og hún er sú að taka ekki við fólki nema ég telji nokkrar líkur á að ég treysti mér til að aðstoða viðkomandi í þeim tiltekna vanda sem um ræðir. Þetta er strax traustvekjandi ef sálinn byrjar á því að ganga úr skugga um þetta. Varist þúsundþjalasmiðina. Meðferð er ekki spjall eða stefnulaust hjal við sálfræðing.

Afsakið þennan æðibunugang. Ágætt framtak annars kæri kollega.

[Ásgeir Rúnar Helgason, 12.4.2007 kl. 06:50]

Takk fyrir þetta! Og jú ég var handleiðari Svenna í doktorsnáminu. Hann tók líka stig 1 í hugrænni atferlismeðferð á Karolinska EN einhverra hluta vegna fékk hann samt ekki viðurkenningu sem sálfræðingur heima? Mjög sérkennilegt mál. Stig 1 á KI er viðameiri klínísk menntun en þeir eru með í sínum pakka til starfsréttinda eftir BA próf. Mér sýnist að lögverndunin sé að bíta í rassin á sér þegar maður með ísl. grunnnám og PhD í klínískri heilsusálfræði + stig eitt í CBT fær ekki starfsréttindi heima. Þetta verður bara til þess að stéttin klofnar og upp kemur stétt klínískra heilsusálfræðinga sem vinnur með CBT á stofum en velur að kalla sig eitthvað annað en sálfræðinga. Ég hef ráðlagt Svenna að kalla sig einfaldlega doktor í klínískri heilsusálfræði með klínísk starfsréttindi í hugrænni atferlismeðferð og stofna sér stéttafélag með öðrum í svipaðri aðstöðu. En best væri auðvita að félagið taki sönsum í þessu máli. Ekki gott að kljúfa svona hópinn.