Athugasemdir og pistlar

27.5.2008 | 07:49

Miklir náttúruhagsmunir í húfi

Það væri stórslys ef náttúruperlan Höfði í Mývatnssveit lenti í einkaeign. Hér eru miklir náttúruhagsmunir í húfi. Ekki bara fyrir Mývetninga heldur alla Íslendinga. Sjálfur er ég alinn upp með stóra upplitaða mynd frá Höfða sem eitt helsta stofustássið hennar mömmu gömlu.

Það er erfitt að setja sig inní svona mál úr fjarlægð. Er engin pólitísk eining á svæðinu um að sveitafélögin komi sameiginlega að málinu og tryggi að náttúruperlan haldist í almannaeigu?

Getur einhver upplýst mig um bankareikning Höfðafélagsins?

	Félag um kaup á hluta Höfða við Mývatn
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Breytt 31.5.2008 kl. 18:20 | Facebook

Athugasemdir

Sæll, skrifaðu Ásgeiri Böðvarssyni, lækni, sem er formaður félagsins: asgeir.b@simnet.is

Ég er ekki viss um að einkaaðili sem myndi kaupa landið af núverandi eigendum þess, erfingjum Guðrúnar Pálsdóttur, geti nýtt það til mikils þar sem fara þarf eftir þröngum vegi og vatnið og vatnsbakkinn eru friðuð með lögum, sem nýlega var breytt þannig að friðunin á vatninu sjálfu og bakkanum er sterkari ef eitthvað er en með fyrri lögum. En það gætu orðið alls konar leiðindi.

Kveðjur frá Mývetningi

Ingólfur Ásgeir Jóhannesson, 27.5.2008 kl. 08:14