Freud og eyðing lífsins

Sigmund Freud leit nánast á lífið sem illkynja æxli í efnisheiminum. Hann talaði þess vegna um "dauðahvötina" sem viðleitni efnisheimsins til að útrýma lífinu og endurskapa jafnvægi. Freud var mjög góður penni og skemmtilegur aflestrar. Það er eindregið hægt að mæla með íslenskum þýðingum á verkum hans sem gefnar voru út af "Hið Íslenska Bókmenntafélag". En í öllum bænum ekki trúa því sem hann segir. Lesið þetta eins og hverja aðra vísindaskáldsögu með vissum sannleikskjarna. Góða skemmtun!

Eyðimerkurmyndun verður helsti umhverfisvandinn

Athugasemdir

[Gunnar Th. Gunnarsson, 28.6.2007 kl. 18:20]

Sæll Ásgeir. Langar að spyrja þig aðeins út fyrir efni þessa pistils. Geturðu eitthvað frætt mig um dauða-angist.  Ég veit ekki hvort þetta er rétt læknis eða sálfræðilegt heiti á þessu ástandi en þetta er sem sagt sálarástand sjúklings sem liggur fyrir dauðanum og er ósátt við lífshlaup sitt, er e.t.v. einmanna og yfirgefið, er jafnvel með samviskubit og er hrætt við að deyja af þeim sökum. Er þetta ekki þekkt sálarástand fólks á dánarbeði? Fá sjúklingar í þessu ástandi einhverja sérstaka hjálp við þessar aðstæður?

Með kveðju...

[Ásgeir Rúnar Helgason, 28.6.2007 kl. 19:31]

Gunnar!

Ég er að vinna með þessi vandamál á hverjum degi (vísindalega) en sambýliskona mín (Karin Eriksson) er að vinna í þessu klínískt á hverjum degi. Við getum sjálfsagt hjálpað þér að svara þessari spurningu EN þetta er alltof flókið mál til að taka það á bloggi. Ef þú vilt ræða þetta nánar er þér velkomið að slá á þráðinn. Það er best að ná í mig í síma = 00-46-70-4845574

Því miður eru ekki mörg úrræði heima enn sem komið er EN ef um er að ræða krabbamein þá er Líknadeildin (þar sem gamla Kópavogshælið var) með gott fólk. Annars eru það fyrst og fremst sjúkrahúsprestarnir sem hafa sinnt þessu heima (en þau eru auðvita misjöfn eins og fólk er flest). Sjúkrahúsprestar sem ég þekki og get mælt með eru Bragi Skúlason og Sigfinnur Þorleifsson.

Kveðja: ásgeir