Er mitt litla sparifé í hættu?

Þetta er gömul lumma hér í Skandinavíu. Það er langt síðan ég sá þessa greiningu á ástandinu á Íslandi og efasemdir um heilsufar íslenska fjármálaundursins í fjölmiðlum hér. Kenningar eins og að sífelld kaup á nýjum fyrirtækjum og flutningur á fjármagni milli landa sé gert til að fela loft í kerfinu, eru nokkuð algengar. Auðvita reynir maður af einstærri ættjarðarást að malda í móinn en stundum læðist að manni sá grunur að það geti verið eitthvað til í þessu, a.m.k. í sumum tilvikum?

 

Hvort sem þetta er satt eða ekki, þá er hætta á að svona grunur grafi undan trausti á íslenskum fjárfestum. Það hlýtur því að vera hagur allra að íslenskir auðhringir leggi spilin á borðið og auki innsýn. Það eru miklir hagsmunir í húfi fyrir alla íslendinga.

Íslendingar í útlöndum eru yfirleitt fullir af ættjarðarást og tilbúnir til að verja allt sem frá Íslandi kemur með kjafti og klóm. Þetta getur verið mikill PR auður fyrir íslensk fyrirtæki. En þá verður fólk að hafa einhver sannfærandi rök í handraðanum. Það er því forsenda að íslenskir auðhringir og yfirvöld fræði fólk á padagógiskan hátt um "sannleikan".

Hvaðan kemur aurinn? Hvar er loftið í kerfinu? Hvaða áhættu greiningu hafa fyrirtækin sjálf gert? Hversu stór hluti af lífeyris- og sparifé íslendinga er með í spilinu? Hvaða bankar hafa lánað hvaða fyrirtækjum og hve mikið? o.s.f.... Ef til vill eru þessar upplýsingar til einhverstaðar án þess að ég og aðrir sem eyða tímanum í annað en að hugsa um peninga, vitum um það? Ef svo er þá væri ráð að einhver duglegur pedagók tæki það saman í "hefti" og birti á netinu.

Að lokum, af hverju í ósköpunum eru ekki einkaþotur látnar lenda í Keflavík!

Lifi fjalldrapinn!

Er allt á niðurleið á Íslandi?

Athugasemdir

[Ásdís Sigurðardóttir, 3.2.2008 kl. 15:50]

Það er allavega ýmislegtsem leitar niðurávið finnst mér upp á síðkastið. Ég er heppin að hafa ekki prílað hátt upp svo það er ekki mikið fall hjá mér. Kær kveðja í Svíaveldi.

[Steingerður Steinarsdóttir, 4.2.2008 kl. 10:24]

Það er rétt að þegar svartsýnin ríkir og allir tala um hrun þá fer að fara um flesta sem muna eftir umræðum um kauphallarhrunið í Bandaríkjunum í byrjun síðustu aldar. En vonandi er fjármálamarkaðurinn á Íslandi eitthvað stöndugri.

[Þorsteinn Valur Baldvinsson, 4.2.2008 kl. 15:51]

Voðalega ertu erfiður í dag, vandræði að spyrja svona gáfulegra spurninga, vertu með í fagnaðarlátunum og hoppinu í hring um gullkálfinn.

Hvar er gamli góði ungmennafélagsandinn, vera með.

[Ásgeir Rúnar Helgason, 4.2.2008 kl. 18:13]

Já Ásdís, það er eins gott að vera ekki að príla of hátt. Steingerður, við þurfum nú ekki að fara lengra til baka en nokkur ár til að muna eftir síðasta verðbréfahruni, þetta virðast vera svona 10-15 ára sveiflur sýnist mér. Þorsteinn, það er kannski næsta keppnisgrein á landsmóti ungmennafélaganna, að hoppa kringum gullkálfinn? Ekki verra en pönnukökubakstur og dráttavélaakstur.

[Guðný Anna Arnþórsdóttir, 5.2.2008 kl. 21:18]

Innlitskvitt í bloggletikasti ....